Norman Mailer

Norman Mailer
	; (2002, Berlín)
Biografía
Nacemento	(en) Norman Kingsley Mailer ; 31 de xaneiro de 1923 ; Long Branch, Estados Unidos de América (pt)
Morte	10 de novembro de 2007 (84 anos); Nova York, Estados Unidos de América
Causa da morte	insuficiencia renal
Lugar de sepultura	Provincetown Cemetery (en)
Residencia	Nova Jersey ; Long Branch (pt) ; Provincetown (pt) ; Brooklyn
Relixión	Xudaísmo
Educación	Universidade Harvard - enxeñaría aeroespacial (1939–1943); Boys High School ; Universidade de París ; Boys and Girls High School (pt)
Actividade
Ocupación	xornalista, poeta, dramaturgo, produtor de cinema, historiador, montador, biógrafo, escritor, novelista, actor, ensaísta, director de cinema, guionista, actor de teatro
Membro de	Academia Estadounidense das Artes e as Letras ; Academia das Artes e das Ciencias dos Estados Unidos ; The 8th Street Club (en)
Influencias	George Eliot, James T. Farrell (pt) , Henry James, Henry Miller, William S. Burroughs, John Dos Passos, Thomas Mann, Ernest Hemingway, William Faulkner, Pablo Picasso, Wilhelm Reich, Lev Tolstoi, Marcel Proust e Fiódor Dostoievski
Pseudónimo literario	Andreas Wilson
Carreira militar
Rama militar	Exército dos Estados Unidos de América
Conflito	segunda guerra mundial
Obra
Arquivos en	Centro Harry Ransom [ MS-02643] ;
Outro
Cónxuxe	Norris Church Mailer (1980–2007); Carol Stevens (1980–); Jeanne Campbell (1962–1963); Adele Morales (1954–1962); Bea Silverman (1944–); Beverly Rentz Bentley
Fillos	Danielle Mailer; () Adele Morales; Elizabeth Anne Mailer; () Adele Morales; Susan Mailer; () Bea Silverman; Kate Mailer; () Jeanne Campbell; Michael Mailer; () Beverly Rentz Bentley; Stephen Mailer; () Beverly Rentz Bentley; Maggie Alexandra Mailer; () Carol Stevens; John Buffalo Mailer; () Norris Church Mailer
Pais	Isaac Barnett Mailer e Fanny Schneider
Condenado por	asalto
Premios
	(1996) PEN Oakland/Josephine Miles Literary Award (en) ; (1992) Helmerich Award (en) ; (1989) Emerson-Thoreau Medal (en) ; (1988) Golden Raspberry Award for Worst Director (en) , premiado polo traballo Tough Guys Don't Dance (en) ; (1980) Premio Pulitzer de Ficción, premiado polo traballo The Executioner's Song (en) ; (1969) Premio Nacional do Libro; (1969) Premio Pulitzer: obras de ámbito xeral e non ficción, premiado polo traballo The Armies of the Night (en) ; (1968) George Polk Award (en) ; Membro da Academia Estadounidense das Artes e as Ciencias; Comendador das Artes e as Letras; Lexión de Honra; star on Playwrights' Sidewalk (en) ;
	Sinatura
Descrito pola fonte	Grande Enciclopedia Soviética 1969-1978, (sec:Мейлер Норман); Obálky knih,

Norman Kingsley Mailer, coñecido como Norman Mailer, nado en Long Branch (Nova Jersey) o 31 de xaneiro de 1923 e finado en Nova York o 10 de novembro de 2007, foi un periodista e escritor estadounidense. Está considerado xunto con Truman Capote o gran innovador do xornalismo literario.

Traxectoria

Naceu nunha familia xudía en Long Branch, criándose en Brooklyn. En 1939 comezou os estudos de enxeñaría aeronáutica na Universidade Harvard. Alí empezou a interesarse pola escritura e publicou o seu primeiro relato ós 18 anos.

Mailer foi recrutado para o exército do seu país durante a segunda guerra mundial, servindo no sur do océano Pacífico. En 1948, xusto antes de entrar na Sorbona en París, escribiu a obra que o fixo internacionalmente famoso: The Naked and the Dead (Os espidos e os mortos) baseada nas súas experiencias persoais durante a guerra. Foi aclamada por moitos como unha das mellores novelas americanas trala guerra e a Modern Library (sección da editorial Random House) calificouna como unha das 100 mellores novelas.

Hollywood e xornalismo político

Durante os anos seguintes, Mailer traballou como guionista en Hollywood. A maior parte dos seus escritos foron refusados por moitas editoriais. Pero a mediados dos cincuenta, fíxose famoso como ensaísta anti-sistema, sendo un dos fundadores de The Village Voice (semanario de Nova York) en 1955. En artigos-reportaxe como "The White Negro: Superficial Reflections on the Hipster" (1956) ou "Advertisements for Myself" (1959), Mailer examinou a violencia, a histeria, o delito e a confusión na sociedade estadounidense.

Boa parte das obras de Mailer, como Armies of the Night, son de natureza política e foron consumidas avidamente por Jim Morrison, servindo de forte inspiración para a súa poesía e para as letras de The Doors.

Froito destes intereses foi a súa consolidación como periodista político coa súa cobertura das Convencións Nacionais de Republicanos e Demócratas nos anos 1960, 1964, 1968, 1972, 1992 e 1996. En 1967 foi arrestado, por pouco tempo, pola súa participación en manifestacións contra a guerra de Vietnam. Dous anos máis tarde, aspirou, sen conseguilo finalmente, á alcadía de Nova York coaligado co columnista Jimmy Breslin (que aspiraba á presidencia do City Council), tendo na súa axenda a secesión da cidade de Nova York co fin de chegar a ser o estado número 51.

En 1980 Mailer apoiou ó asasino condenado Jack Abbott na súa petición da liberdade condicional, que finalmente lle foi concedida. Axudouno ademais a publicar o libro In the Belly of the Beast, unha colección das súas cartas a Mailer nas que trataba das súas experiencias no cárcere. Non obstante, Abbott cometeu un asasinato non moito despois de ser posto en liberdade e foi novamente encarcerado. Mailer foi obxecto dalgunhas críticas polo seu papel na liberación de Abbott, e nunha entrevista de 1992 para o Buffalo News afirmou que a súa implicación con Abbott fora "outro episodio na miña vida no que non podo encontrar nada agradable nin nada do que sentirme orgulloso".

Mailer é tamén un reputado biógrafo. Escribiu biografías de Marilyn Monroe, Pablo Picasso e Lee Harvey Oswald.

Norman Mailer casou seis veces; desde 1980 está casado con Norris Church, e ten nove fillos. En 1960, Mailer apuñalou, de forma menos grave, á súa segunda muller, Adele Morales, cun canivete durante unha festa.

Mailer apareceu en varios documentais, como When We Were Kings sobre o 'combate na xungla' que enfrontou ós boxeadores Muhammad Ali e George Foreman, e Hijacking Catastrophe, sobre os atentados do 11 de setembro e a guerra de Iraq. É mencionado en varias cancións ("Give Peace a Chance" de John Lennon, "A Simple Desultory Philippic (Or How I Was Robert McNamara'd Into Submission)" de Simon and Garfunkel, "Are You Ready To Be Heartbroken" de Lloyd Cole, "Santa Monica" de Savage Garden ou "Get By" de Talib Kweli. O grupo de rock galés Manic Street Preachers menciónao xunto a Sylvia Plath, Henry Miller e Harold Pinter na súa canción "Faster", e a banda de art-pop australiana TISM menciónao xunto a Dylan Thomas e Jackson Pollock na canción "Genius is different". É tamén mencionado na película futurista e satírica de Woody Allen O durmiñón (1973), na que Allen di a un científico que "Este é un retrato de Norman Mailer. Legou o seu ego á Facultade de Medicina de Harvard".

Últimos anos

En 2005 Mailer fixo unha actuación especial no programa da WB Gilmore Girls. O episodio, titulado "Norman Mailer, I'm Pregnant", presentou ó autor nunha entrevista no Dragonfly Inn, un lugar propiedade do principal protagonista, Lorelai Gilmore. O entrevistador foi o seu fillo, o actor Stephen Mailer. Desde maio dese ano, contribuía cun blog no The Huffington Post. Falaba do seu comunismo e de que nos Estados Unidos o fascismo xamais usaría ese nome, pero que non estaba moi lonxe de instaurarse a tódolos efectos.

Escribiu o seu último libro, The Big Empty, en colaboración co seu fillo John Buffalo Mailer.

Viviu os seus últimos anos en Provincetown, Massachusetts. Morreu en Nova York o 10 de novembro de 2007 a consecuencia dunha insuficiencia renal, con 84 anos.

Autor de 39 libros, entre eles 11 novelas, foi galardoado co Premio Nacional do Libro e dúas veces co Premio Pulitzer.

Obras

Novelas

The naked and the dead, (1948) (Os espidos e os mortos).
Barbary shore, (1951) (A costa bárbara).
The deer park, (1955) (O parque dos cervos).
An american dream, (1965) (O soño americano).
The executioner's song, (1979) (A canción do verdugo) (Premio Pulitzer en 1980)
Tough Guys Don't Dance, (1984) (Os tipos duros non bailan).
Harlot's ghost, (1991) (A fantasma de Harlot).
The castle in the forest, (1997) (O castelo no bosque).

Ensaios

O negro branco (1958)
Miami e o sitio de Chicago (1968)
The armies of the night, (1967) (Os exércitos da noite) (Premio Pulitzer en 1968)
Un lume na lua (1971)
O prisioneiro do sexo (1971)
Noites da antigüidade (1983)

Guións

Beyond the Law (Máis alá da lei)
Wild 90 (Salvaxe 90)

Biografías

Marilyn

Véxase tamén

Bibliografía

"Mailer, Norman". Diciopedia do século 21 2. Do Cumio, Galaxia e do Castro. 2006. p. 1278-1279. ISBN 978-84-8288-942-9.
"Mailer, Norman". Enciclopedia Galega Universal. Ir Indo. 1999-2002. ISBN 84-7680-288-9.
Fernández del Riego, Francisco (1974). Letras do noso tempo. Vigo: Editorial Galaxia. ISBN 978-84-7154-219-9.

Ligazóns externas

Torres, David (11/11/2007). "Norman Mailer, el autor que golpeó la conciencia de tres generaciones" El Mundo (en castelán).
"La forja de un escritor" Arquivado 13 de setembro de 2019 en Wayback Machine. en La Vanguardia (en castelán)
"La novela como historia" Arquivado 06 de febreiro de 2009 en Wayback Machine. en La Vanguardia (en castelán)
"El hallazgo en el conjunto" Arquivado 06 de febreiro de 2009 en Wayback Machine. en La Vanguardia (en castelán)